Ruta do Sabugueiro-Cotobade

Esta é a proposta de ruta para o día 12 de outubro (domingo). Trátase dunha ruta pola parroquia de Rebordelo, concello de Cotobade, realizada pola CMVM de Rebordelo, ben sinalizada, que xunta características etnográficas e medioambientais. É unha ruta curta de dúas horas de recorrido aproximado e sen dificultade. Ao termo da mesma podemos xantar un bo cocidiño ou caza alí mesmo. Xúntovos o tríptico elaborado pola comunidade de montes e facilitado por Antonio. Xa estamos algún apuntados. Compre que os indecisos vos decidades axiña por si temos que reserva-la comida.
Bicos+azos
Nando

Ruta Beluso-Cabo Udra

Sen tempo non era. Polo visto quedou inugurada a tempada de camiñadas 2008-2009. Logo aquí tedes unha fotiño do evento que ao final resultou perfecto pola ruta e polo tempo que tivemos, os baños na praia, etc. Inda por riba con novas incorporacións (benvidos Jaime, Cris e Paloma).
A ver quen recolle o testigo para organizar a nova ruta que xa temos fixada para o final de outubro.
Bicos
Nando

Os palmeirans en Madre de Dios(selva peruana)

Hoxe despois de 8 horas en 4x4 e dúas horas de camiño compartimos o día coa Comunidade nativa de St de Rosa de Huacaria
Foi unha experiencia vital única, coñecemos a Alberto, o guía espiritual da comunidade que amosounos o seu horto medicinal, bañámonos no rio e compartímolo dia ca sua muller Norma e os seus cinco fillos.
Fíxolle unha curación a Javier con plantas, que estaba un pouco enfermo da barriga.
Alberto, o cazador da comunidade ensinou ós Toscano, ós López, e ós Rodríguez a disparar un arco.
A selva e tal coma tiñamos esperado, espectacularmente frondosa e tórrida como o trópico que é.
Só temos que contar que as habitacións nas que durmimos non teñen ventás e só mosquiteiras.Temos un galo que nos esperta ás tres da mañá.
un saúdo e seguiremos informándovos.
Idevos preparando non pararemos ata convencervos de ir ata aquí.
Maña toca unha travesía polo rio, para ver unha colca de guacamaios e unhas pozas de auga quente.

Días de viaxes...

Moi ben, aínda que non teño moitas máis fotografías que xuntar as xa enviadas e visto a miña incapacidade temporal para adicarme as prácticas sendeiristas ata que o meu xeonllo recupere a súa impresionante musculatura habitual, propóñovos colgar, a volta das vacacións, un "caderno de bitácora" das viaxes que ben sei que moitos de vós (e de nós) imos facer ou estamos facendo xa. Así que coma eu non son moi dado ao deseño de páxinas webs, pídolle aos expertos Adela e Jose Luís que deseñen un modelo de páxina para poder vocar os relatorios das nosas andanzas polo mundo adiante.
A nós (familias Rodríguez-Álvarez e González-Martín) fáltanos apenas 3 días escasos para partir a Terras Gabachas. A volta daremos cumprida nota dos acontecementos, de seguro extraordinarios, que nos irán acontecer.
Bicos + azos para todos e todas ( tamén para os de máis alá do Charco). À bientôt
O Nando

REMATAN AS “ROTAS PALMEIRANAS 07-08”

A noite de San Xoán os palmeiráns e as palmeiranas despedímonos entre sardiña, pan de millo, empanada, cantiga e gaiteirada; deica o mes de setembro no que comezaremos unha nova tempada.
Como mostra colgamos unhas cantas fotos do evento. Perdoade que non saiamos tod@s pero o fotógrafo tras beber e comer, adicouse ao cancioneiro.
Lembrades: As rotas comezaron no Magosto 07 de Barciademera (véxanse fotos) e despois fumos a Palencia (cólguense fotos, porfi).
E despois...e despois...tivemos que “ amamantar”, tamén en fin de semana e algunha ponte: actividades para aquí, actividades para alá, torneos multideporte, bailes, audicións, día de tal, día de cual, exames dos sextos e os esos, etc.
Os palmeiran@s cativos xa non son tan pequechos e teñen axendas moi apretadas, nonsi?
Ai, meus velliños palmeiran@s!
Como non espabilemos imos ser "tribo de cús sentados en tribuna", nós que eramos a envexa viguesa dos sendeiristas (ejem!!!) con ese estilo, esa forza…Sempre pensando: PODEMOS!!
Bueno, en fins, a ver se para o ano retomamos esas saídas de xornada única tan relaxantes.
Bicazos e BO VERÁN!!

Eurocopa

Algúns palmeiráns e algunhas palmeiranas convencemos a Máximo (e Pilar!) para que abrise a súa cafetería “Bo Catar” e daquela poder vibrar vendo a final de fútbol España-Alemaña. O cal agradecemos de certo.
As fotos de Celso e Teté amosan o vibrante que resultou o choque futbolístico vermellón no que gañou España. Sábese que houbo quen saíron a celebralo polas rúas olívicas.
Olé, polos palmeiran@s!
Non viría mal botar contas en meses, pois estes eventos xa non é a primeira vez que poden deparar calquera cousa. Un está alegre e unha está alegre, e dous están alegres e entón… xa que estamos alegres…pois: viva la alegría!! E… a criar!!!

O tempo pasa para todos

Aquí temos os nosos fillos nun dos primeiros campus de Baloncesto de O Porriño, o tempo pasa para todos.

Como sabedes, o prazo de inscrición para este ano está aberto ata o 18 de xuño, apuntádevos para recordar vellos tempos.

Información en: http://www.webpbb.com